मूल:_
ऐरव्ही नेतेमंडळींचे वाढदिवस धुमधडाक्यात असतात. मात्र अखिल भारतीय महात्मा फुले समता परिषदेचे संस्थापक अध्यक्ष ना. छगन भुजबळ यांचा वाढदिवस ” ज्ञानवर्धक ” पद्धतीने साजरा करून क्रांतीसुर्य महात्मा फुले यांच्या पावन अपेक्षेनुसार साजरा करण्याचे महतकार्य समता परिषदेचे जिल्हा
अध्यक्ष प्रा. विजय लाेनबले वसहकारी मंडळीनी पार पाडले.
अखिल भारतीय महात्मा फुले समता परिषदेचे संस्थापक अध्यक्ष तथा राज्याचे अन्न , नागरी पुरवठा व ग्राहक संरक्षण मंत्री नामदार छगनराव भुजबळ यांचा वाढदिवस दिनांक 15 आक्टोंबर 2025 ला सायंकाळी 7 वाजता चिमढा येथील महात्मा फुले वाचनालयाला विविध स्पर्धा परीक्षेचे 25 पुस्तक भेट व उपस्थित सर्व विद्यार्थ्यांना रजिस्टर व पेन वितरित करून मिठाई वाटून मोठ्या उत्साहात साजरा करण्यात आला. या अनोख्या उपक्रमाचे आयोजन समता परिषदेचे जिल्हाध्यक्ष प्रा. विजय लोनबले व त्यांच्या सहचारिणी सौ. सीमाताई लोनबले यांनी केले. वाचाल तर वाचाल या उक्तीप्रमाणे वाचन संस्कृती ला चालला मिळावी व ग्रामीण भागातील होतकरू विद्यार्थ्यांना स्पर्धा परीक्षेचे पुस्तक उपलब्ध व्हावे या उदात्त हेतूने स्वखर्चाने पुस्तक घेऊन वाचनालयाला भेट देण्यात आली.
चिमढा येथे नव्यानेच सुरू झालेल्या वाचनालयात अनेक युवक व युवती विविध स्पर्धा परीक्षेची तयारी करीत आहेत.
या स्पर्धेच्या युगात ग्रामीण भागातील होतकरू व गुणवंत विद्यार्थी असूनही स्पर्धा परीक्षांमध्ये टिकण्यासाठी योग्य मार्गदर्शन व पुस्तकाचा साठा असणे गरजेचे असते, ही बाब लक्षात घेऊन प्रा. लोनबले यांनी ना. भुजबळ यांचा वाढदिवस वाचन संस्कृतीला चालना देणारा ठरावा व ग्रामीण विद्यार्थी शासकीय नोकरीत यावे ज्ञानवधॅक वाढदिवस साजरा केला. 
