नवी दिल्ली, 25 एप्रिल : रस्त्यावर वाहन चालवताना Driving License एक महत्त्वाचं कागदपत्र आहे. जर तुम्ही विना ड्रायव्हिंग लायसन्स ड्राईव्ह करत असाल, तर दंड भरावा लागू शकतो. ड्रायव्हिंग लायसन्स बनवल्यानंतर 20 वर्षांपर्यंत ते वैध असतं. जर ड्रायव्हिंग लायसन्स एक्सपार्य झालं आणि ते रिन्यू केलं नाही, तर पुन्हा एकदा लर्निंग लायसन्स बनवावं लागेल आणि त्यानंतर परमनेंट लायसन्स मिळेल. त्यामुळे ड्रायव्हिंग लायसन्स वेळेत रिन्यू करणं गरजेचं आहे.
Driving License ची वैधता संपल्यानंतर मिळतो इतका कालावधी –
जर तुमचं ड्रायव्हिंग लायसन्स एक्सपार्य झालं असेल, तर ते रिन्यू करण्यासाठी एक वर्षांचा कालावधी मिळतो. कोरोना काळात RTO ऑफिसमध्ये जावं लागू नये, यासाठी ड्रायव्हिंग लायसन्ससाठी ऑनलाईन अप्लाय करता येऊ शकतं. ही संपूर्ण प्रक्रिया घरबसल्या करता येऊ शकते.
– ऑनलाईन ड्रायव्हिंग लायसन्स अप्लाय करण्यासाठी परिवहन विभागाच्या वेबसाईटवर https://parivahan.gov.in/ क्लिक करावं लागेल.
– त्यानंतर होम पेजवर ऑनलाईन सर्विस आणि ड्रायव्हिंग लायसन्स रिलेटेड सर्विसवर क्लिक करावं लागेल.
– एक पेज ओपन होईल, जिथे तुमच्या राज्याचं नाव निवडावं लागेल.
– राज्याची निवड केल्यानंतर, समोर एक नवं पेज ओपन होईल, त्यात अनेक पर्याय दिसतील. त्यापैकी ड्रायव्हिंग लायसन्स रिन्यू करण्यासाठीच्या पर्यायावर क्लिक करावं लागेल.
– ही संपूर्ण प्रोसेस पूर्ण केल्यानंतर अ‍ॅप्लिकेशन समिटचा पर्याय येईल.
– त्याआधी संपूर्ण अ‍ॅप्लिकेशन भरावं लागेल. त्यात विचारले गेलेले महत्त्वाचे डिटेल्स भरावे लागतील.
– त्यानंतर आवश्यक कागदपत्र अपलोड करावी लागतील.
– ही संपूर्ण प्रक्रिया पूर्ण झाल्यानंतर फोटो आणि सही अपलोड करावी लागेल.
– त्यानंतर फी जमा करण्याचा पर्याय येईल, त्यात फी जमा करावी लागेल.
– या प्रोसेसनंतर एक receipt डाउनलोड करुन, ती प्रिंट करा.
