NEET 2025 : यूजीसी नेट डिसेंबर 2025 परीक्षेसाठी नोंदणी सुरू ; अर्जाची अंतिम तारीख जाणून घ्या
नॅशनल टेस्टिंग एजन्सीने यूजीसी नेट डिसेंबर २०२५ परीक्षेसाठी ऑनलाइन नोंदणी सुरू केली आहे. त्यासाठीचे पोर्टल उघडण्यात आले असून, ऑनलाइन अर्ज सादर करण्याची मुदत ७ ऑक्टोबर ते ७ नोव्हेंबर २०२५ पर्यंत आहे. ही परीक्षा विद्यापीठ अनुदान आयोगाने एनटीएला सोपवली आहे.
परीक्षा ८५ विषयांसाठी संगणक आधारित चाचणी पद्धतीने घेतली जाईल. परीक्षा शुल्क भरण्याची अंतिम तारीख देखील ७ नोव्हेंबर २०२५ रोजी रात्री ११:५० वाजेपर्यंत आहे. क्रेडिट कार्ड, डेबिट कार्ड, नेट बँकिंग आणि यूपीआय यांसारख्या ऑनलाइन पेमेंट पद्धतींचा वापर करता येईल.
ऑनलाइन अर्ज अर्जामध्ये काही दुरुस्ती करायची असल्यास ती १० नोव्हेंबर २०२५ ते १२ नोव्हेंबर २०२५ पर्यंत रात्री ११:५० वाजेपर्यंत करता येईल. परीक्षेचे शहर, प्रवेशपत्र डाउनलोड करण्याची तारीख आणि परीक्षेची तारीख याबद्दलची माहिती नंतर कळवण्यात येईल. परीक्षेचे विशिष्ट केंद्र, तारीख आणि शिफ्ट प्रवेशपत्रावर नमद केली जाईल. उमेदवारांच्या प्रतिसादांचे प्रदर्शन आणि
उत्तरतालिका अधिकृत वेबसाइटवर नंतर जाहीर केल्या जातील. उमेदवार यूजीसी – नेट परीक्षेसाठी अधिकृत वेबसाइटवर माहिती मिळवू शकतात. एनटीएची सामान्य वेबसाइट www.nta.ac.in आहे. या प्लॅटफॉर्मवर घोषणा, माहिती आणि अर्ज पोर्टल उपलब्ध असेल.
