तलाठी भरतीला आजपासून सुरुवात; जाणून घ्या महत्वाच्या तारखा आणि लागणारी कागदपत्रे

आजपासून तुम्ही या तलाठी भरतीसाठी ऑनलाईन अर्ज करू शकता. विविध शहरांमधील शेकडो जागांसाठी ही भरती (Maharashtra Talathi Bharti 2023) घेण्यात येणार आहे. या भरतीसाठीची नेमकी पात्रता काय? कोणते उमेदवार या पदभरतीचा फॉर्म भरण्यास कोण पात्र असणार आहेत? याची माहिती आज आपण जाणून घेणार आहेत. चला तर मग जाणून घेऊयात…

या पदांसाठी भरती
महसुल आणि वन विभाग महाराष्ट्र तलाठी (Talathi)
एकूण जागा – 4644

या पदांसाठी शैक्षणिक पात्रता आणि अनुभव
या पदांसाठी अर्ज करणाऱ्या उमेदवाराने संबंधित पदांनुसार बारावी आणि ग्रॅज्युएशनपर्यंत शिक्षण झालं असणं आवश्यक आहे.
तसंच उमेदवारांनी मान्यताप्राप्त शिक्षण संस्थेतून किंवा विद्यापीठातून शिक्षण पूर्ण केलं असणं आवश्यक आहे.
याचबरोबर उमेदवारांना मराठी, हिंदी आणि इंग्रजी विषयांचं चांगलं ज्ञान असणं आवश्यक आहे.
तसेच राज्य शासनाकडून जाहीर करण्यात आलेल्या सर्व अटी आणि शर्थी उमेदवारांनी पूर्ण केलेल्या असाव्यात.

या पदासाठी लागणारी वयोमर्यादा
या पदांसाठी अर्ज करू इच्छिणाऱ्या उमेदवारांचं वय हे 18 ते 38 दरम्यान असणं आवश्यक आहे. SC/ST/PWD/OBC प्रवर्गातील उमेदवारांसाठी शिथिलता देण्यात येणार आहे.

एवढा मिळणार पगार
विविध जिल्ह्यांतील तलाठी – 25,500/- ते रु. 81,100/- रुपये प्रतिमहिना पगार असणार आहे.

अशाप्रकारे करा अर्ज
या भरतीसाठी तुम्हाला ऑनलाईन पद्धतीने अर्ज करायचा आहे.
अर्जदाराचे स्वतःचे gmail account आवश्यक आहे.
अर्ज योग्यरीत्या भरून झाल्यावर submit हे बटन क्लिक करावे.
यानंतर अर्जाची प्रत आपल्या gmail account वर प्राप्त होईल.
सदर अर्ज प्रिंट करून मुलाखतीच्या दिवशी प्रिंट केलेल्या अर्जा सह उपस्थित असणं आवश्यक आहे.

ही कागदपत्रे आहेत आवश्यक
दहावी, बारावी आणि पदवीची शैक्षणिक प्रमाणपत्रं
शाळा सोडल्याचा दाखला
जातीचा दाखला (मागासवर्गीय उमेदवारांसाठी)
ओळखपत्र (आधारकार्ड, लायसन्स)
पासपोर्ट साईझ फोटो

महत्वाच्या तारखा
अर्ज प्रक्रिया सुरु होण्याची तारीख – 26 जून 2023
अर्ज करण्याची शेवटची तारीख: 17 जुलै 2023

या भरतीसाठीची अधिकृत वेबसाईट
या पदभरतीसाठी (Maharashtra Talathi Bharti 2023) ऑनलाईन अप्लाय करण्यासाठी https://mahabhumi.gov.in/mahabhumilink या लिंकवर क्लिक करा.