Aadhar Card Bank Account Link – जर तुम्ही स्टेट बँक ऑफ इंडियाचे खातेदार असाल, तर तुमच्यासाठी ही अतिशय महत्वाची बातमी आहे. देशातील सर्वात मोठी सरकारी बँक असलेल्या स्टेट बँक ऑफ इंडिया ( SBI ) ने पुन्हा एकदा आपल्या ग्राहकांना सतर्क केले आहे. आपल्या ग्राहकांची गैरसोय टाळण्यासाठी एसबीआयने आपल्या ग्राहकांना पॅन कार्डला आधार कार्डाशी लवकरात लवकर जोडण्यास सांगितले आहे. पॅनला आधारशी जोडण्याची अंतिम तारीख 30 सप्टेंबर आहे. जर तुम्ही निर्धारित वेळेत पॅनशी आधार लिंक केले नाही तर तुमचे पॅन कार्ड अवैध होईल.
आर्थिक व्यवहारात येतील अडचणी
सध्या आधार कार्ड हे एक महत्त्वाचे दस्तऐवज बनले आहे. याशिवाय कोणताही मोठा आर्थिक व्यवहार होऊ शकत नाही. बँकांपासून सरकारी योजनांपर्यंत सर्वत्र आधार आवश्यक आहे. याशिवाय, आपण सरकारद्वारे प्रदान केलेले अनेक फायदे घेऊ शकत नाही. त्यामुळे पारदर्शकता राखण्यासाठी तुमचे पॅन लिंक करणे आवश्यक आहे.
एसबीआयच्या ग्राहकांना अलर्ट
एसबीआय बँकेने ( SBI ) आपल्या अधिकृत ट्विटर खात्यावर अलर्ट जारी केला आहे. एसबीआयच्या मते, जर ग्राहकानी त्वरित हे केले नाही तर त्यांना बँकिंग सेवेमध्ये अडचणीला सामोरे जावे लागू शकते. एसबीआयने आपल्या लाखो ग्राहकांना त्यांचे पॅन कार्ड आधारशी लिंक करण्यास सांगितले आहे.
एसबीआयने ( SBI ) लिहिले, आम्ही आमच्या ग्राहकांना सल्ला देतो की त्यांचे पॅन आधारशी लिंक करा जेणेकरून कोणतीही गैरसोय होऊ नये आणि कोणत्याही अडचणीशिवाय बँकिंग सेवेचा आनंद घेता येऊ शकेल.
